ASARAMANITRA – Manentana ny Malagasy hampiato ny adiady sy hankalaza am-pitoniana ny Fetim-pirenena ny minisitra telo misahana ny Fiarovana sy ny filaminana

Telo andro alohan’ny fanamarihana ny faha-63 niverenan’ny Fahaleovantenan’i Madagasikara dia efa mipetraka ny lamina sy ny fandaharana raha ny momba ny fankalazana ao amin’ny Kianja Barea Mahamasina manokana, araka ny voalazan’ny tompon’andraikitra. Efa nahavita ny famerenana ny matso lehibe izay ho ataon’izy ireo ny alatsinainy 26 Jona izao ireo foloalindahy. Nitondra fanentanana ho an’ny Malagasy hankalaza am-pitoniana ny Fetim-pirenena ary hamela ny ady sy ny tsy fitovian-kevitra ihany koa ireo mpikambana telo ao amin’ny governemanta misahana ny foloalindahy sy ny filaminana.