FIZAKANA ZOM-PIRENENA VAHINY – Miandry ho anontaniana ny Fitsarana avo momba ny lalàm-panorenana

Nanamafy ny filohan’ny Fitsarana avo momba ny lalàm-panorenana, Florent Rakotoarisoa, fa miandry fitoriana na hanontaniana mikasika ny fizakan’ny Filoha Andry Rajoelina zom-pirenena vahiny izy ireo vao afaka maneho hevitra. “Mba te haneho hevitra izahay saingy voafatotry ny lalàna”, hoy izy androany. Hatreto anefa, tsy mbola nisy nanatona izy ireo. Ampahany tamin’ny resaka nifanaovany tamin’ny mpanao gazety.