Antananarivo 22 aprily, 13h19 – Hiverina hisokatra ireo fiangonana FJKM manerana ny Nosy. Io no tapaka androany 22 aprily nandritra ny fivorian’ny mpikambana ao amin’ny Birao Foibe FJKM manoloana ny fanambaran’ny fitondram-panjakana ny hampitsahatra miandalana ny fihibohana. Nanamafy anefa ny mpikambana fa ny fivohan’ireo eglizy FJKM dia atao araka ny fepetra rehetra napetraka momban’ny fiarovana ny tsy hiparitahan’ny valan’aretina coronavirus.
Araka izany, dia nanambara ny Birao Foibe fa afaka manao fanompoam-pivavahana ny fiangonana saingy tsy azo atao mihoatra ny 50 ny isan’ny mpiara-mivavaka. Hajaina avokoa ny fenitra ara-pahasalamana rehetra : manao aro-vava, tsy mifandray tanana, mielanelana 1m ny olona ary manasa tanana alohan’ny hidirana. Nohamafisina fa ny fotoana rehetra dia tsy maintsy mifarana amin’ny 1 ora tolakandro.
