Azo atao ve sa tsia ny manome alalana solombavambahoaka hafa hifidy amin’ny anaran’ny solombavambahoaka iray raha tsy afaka manatrika ny fifidianana ity farany ? Fanontaniana nampifanolana teny amin’ny Antenimieram-pirenena ny talata teo ka saika hampitarazoka indray ny fifidianana izay olona hotendren’ny Antenimieram-pirenena ho mpikambana ao amin’ny Vaomiera mahaleo tena misahana ny fifidianana. Rehefa nifanaiky tamin’ny alalan’ny tsangan-tanana ny rehetra dia niroso ihany ny fandatsaham-bato. Saingy savorovoro ihany aloha vao tapaka ny hevitra.
Vato 60 tamin’ireo 93 narotsaka no nahalany an’i Narcisse Andrianaly Benaivo, manam-pahaizana amin’ny fitantanan-draharaham-panjakana, ho mpikambana ao amin’ny CENI.
