Ny tanjon’ny fandaharan’asa « Fihariana », dia hampivelatra sy hanampy ny sehatr’asa ara-toekarena amin’ny fampiroboroboana ny famoronan’orinasa, sy famoronan’asa, ho an’ireo tanora sy vehivavy any amin’ny faritra sy ny distrika manerana ny Nosy. Ny fototry ny « Fihariana » dia ny hanamora ny fampindramam-bola ho an’ny vehivavy sy ny tanora mpamorona amin’ireo filam-bola ho enti-mamokatra eo amin’ny fananganana, na fampivelarana, ny ambaindain’ny orinasan’izy ireo. Fanapariahana fomba famatsiam-bola, amin’ny endriny vaovao, no tanjon’ny « Fihariana » andraisan’ny Fanjakana foibe, ireo rantsamangaikan’ny Tranoben’ny varotra sy ny indostria, ireo fikambanam-behivavy sy tanora mpandrahara ara-toekarena, ary ireo Mpamatsy vola mba hanamora ny fahazoan’ny mpamorona orinasa misambo-bola, izany rehetra izany mba ho fandraisan’anjaran’ny rehetra amin’ny fampandrosoana isam-paritra.
