Antananarivo, 21 Desambra, 9 ora alina – Fitohanan’ny fifamoivoizana. Arabe tondraky ny rano. Jiro tapaka. Azo lazaina ho tafiditra amin’izay anatin’ny volon’andro fahavaratra nahazatra tato anatin’ny taona vitsivitsy i Antananarivo Renivohitra sy ny manodidina.
Vao nirotsaka mafimafy in-dray mandeha ny orana na dia tsy naharitra aza, dia efa miaina ireo voka-dratsy aterany ny tanàna. Nanampy trotraka ny fahatapahan’ny lalana eny amin’ny manodidina an’Analakely noho ny tsenan’ny Krismasy.Lalana tsy ampy iray kilaometatra akory dia maharitra adiny iray no hanaovan’ny fiarakodia azy. Tanàna maromaro no niaina fahatapahan-jiro efa ho adiny telo, na mihoatra aza ho an’ny faritra sasany.
